Finlandiya prezidenti: Ukrayna üzrə sülh danışıqları kritik mərhələyə çatıb
Finlandiya prezidenti Aleksandr Stubb Ukrayna ətrafında aparılan sülh danışıqları ilə bağlı açıqlama verib.
Crossmedia.az bu barədə xarici mediaya istinadən xəbər verir.
O bildirib ki, hazırda danışıqlar kritik mərhələdədir və son dörd il ərzində sülh razılaşmasına heç vaxt indiki qədər yaxın olunmayıb.
Prezidentin sözlərinə görə, tərəflər hazırda üç əsas sənəd üzərində fəal şəkildə işləyirlər. Bunlardan birincisi 20 maddədən ibarət sülh planının çərçivə sənədi, ikincisi Ukrayna üçün təhlükəsizlik zəmanətləri, üçüncüsü isə ölkənin müharibədən sonrakı bərpası ilə bağlı sənəddir.
Aleksandr Stubb qeyd edib ki, bu sənədlərin detalları amerikalılar, avropalı tərəfdaşlar və Ukrayna nümayəndələri ilə birgə müzakirə olunur. Onun sözlərinə görə, məqsəd dayanıqlı və uzunmüddətli sülhün təmin edilməsidir.
18:50 15.12.2025
Oxunuş sayı: 859
