Xarici xəbərlər

ABŞ Çindən İrana gedən gəminin yükünü müsadirə edib

ABŞ-nin xüsusi təyinatlı qüvvələri noyabr ayında Çindən İrana doğru hərəkət edən bir gəmini saxlayaraq göyərtəyə çıxıb və onun yükünü müsadirə edib.

Crossmedia.az xarici mətbuata istinadən xəbər verir ki, ABŞ xüsusi təyinatlıları (ABŞ Silahlı Qüvvələrinin xüsusi əməliyyat bölmələri) gəmiyə Şri-Lanka sahilləri yaxınlığında müdaxilə ediblər. Müsadirə olunan yük ikili təyinatlı məhsullardan — həm mülki, həm də hərbi məqsədlər üçün istifadə oluna bilən avadanlıq və materiallardan ibarət olub.

ABŞ kəşfiyyat orqanlarının qiymətləndirməsinə görə, həmin yükün İranın raket proqramı üçün komponentlərin alınması ilə məşğul olan İran şirkətləri üçün nəzərdə tutulduğu ehtimal edilir.

Rəsmi Vaşinqton, Tehran və Pekin tərəfindən məsələ ilə bağlı hələlik rəsmi açıqlama verilməyib.

Pərvin Hacıyeva

🖨 Çap et

12:33 13.12.2025

Oxunuş sayı: 1448