Ermənistan və Azərbaycan arasında yanacaq əməkdaşlığında yeni mərhələ
Ermənistan və Azərbaycan arasında iqtisadi sahədə yaxınlaşma istiqamətində yeni addımlar atılır. Son günlər hər iki ölkə arasında əməkdaşlığın genişləndirilməsi ilə bağlı aparılan danışıqlar xüsusilə enerji sektorunda diqqət çəkir. Yanacaq tədarükü kimi strateji bir mövzunun gündəmə gəlməsi regionda iqtisadi münasibətlərin yeni mərhələyə qədəm qoyduğunu göstərir. Bu proses həm siyasi, həm də iqtisadi baxımdan əhəmiyyətli olub, tərəflər arasında etimadın artmasına və qarşılıqlı asılılığın formalaşmasına səbəb ola bilər.
Ermənistanın baş nazirinin müavini Mher Qriqoryan bildirib ki, İrəvan və Bakı Azərbaycan yanacağının tədarükü ilə bağlı müzakirələr aparır. O, bunu jurnalistlərlə söhbətində deyib və tərəflərin əməkdaşlıq imkanlarını nəzərdən keçirdiyini vurğulayıb.
Crossmedia.az xarici mediaya istinadən xəbər verir ki, Qriqoryan idxal olunacaq Azərbaycan yanacağının həcmləri, bu istiqamətdə alış həyata keçirməyi planlaşdıran konkret erməni şirkətləri, həmçinin qiymətin Rusiyadan gətirilən yanacaqla müqayisədə rəqabətədavamlı olub-olmayacağı barədə məlumat verməyib.
“Yanacaqla bağlı bundan sonrakı proses artıq özəl ixracatçı və idxalçı şirkətlərin əməkdaşlıq sahəsinə daxildir və mümkün sövdələşmələrin şərtləri bazar prinsiplərinə uyğun müəyyənləşdiriləcək”, — deyə o qeyd edib.
Onun sözlərinə görə, Ermənistan və Azərbaycan arasında digər məhsullar üzrə də müzakirələr davam edir
Zeynəb Xuduyeva
13:44 12.12.2025
Oxunuş sayı: 1019
