BMT Baş Assambleyası Çernobıl qətnaməsini qəbul etdi
Ukraynanın təşəbbüsü ilə irəli sürülən və Çernobıl faciəsinin nəticələrinin azaldılması və beynəlxalq əməkdaşlığın gücləndirilməsini nəzərdə tutan qətnamə BMT Baş Assambleyasında qəbul olunub.
Bu barədə Crossmedia.az Ukrainska Pravda-ya istinadən xəbər verir.
Sənədi 97 ölkə dəstəkləyib. ABŞ, Rusiya və Belarus isə sənədin əleyhinə səs verib.
Qətnamədə 2025-ci il fevralın 14-də Rusiya dronunun hücumu nəticəsində Çernobıl Atom Elektrik Stansiyasının yeni sarkofaqının zədələnməsi ilə bağlı “ciddi narahatlıq” ifadə olunub. Bildirilir ki, bu hadisə obyektin təhlükəsizliyi sahəsində əldə olunmuş nailiyyətləri “təhlükə altına qoyub”.
Sənədə qarşı çıxan ölkələr arasında ABŞ, Rusiya, Belarus, Çin, Şimali Koreya, Nikaraqua, Konqo və Niger yer alıb. 39 ölkə isə bitərəf qalıb.
ABŞ öz mövqeyini belə əsaslandırıb ki, qətnamədə BMT-nin Dayanıqlı İnkişaf Məqsədlərinə istinad edilir və Vaşinqton bu məqsədləri “milli suverenlik və ölkənin maraqları ilə uyğun gəlməyən” hesab edir.
Türkanə Məşədiyeva
13:25 11.12.2025
Oxunuş sayı: 882
