"X" Avropa Komissiyasının reklam hesabını sildi
X sosial şəbəkəsi Avropa Komissiyasının (AK) platformaya 120 milyon avro cərimə tətbiq etməsindən sonra quruma məxsus reklam hesabını silib.
Crossmedia.az TASS-a istinadən xəbər verir ki, nu barədə X-in Məhsul rəhbəri Nikita Bier məlumat verib.
Bier, AK-nın cərimə ilə bağlı paylaşımına cavabında bildirib ki, Komissiya “Reklam kompozitoru” alətindəki bir boşluqdan istifadə edərək aktiv olmayan reklam hesabına daxil olub, istifadəçiləri videoya baxdıqlarını düşündürən link yerləşdirib və bununla da paylaşımların əhatə dairəsini süni şəkildə artırmağa çalışıb.
“X hər kəsin platformada bərabər səsə malik olması lazım olduğuna inanır. Lakin görünür, siz qaydaların sizin hesabınıza şamil edilmədiyini düşünürsünüz. Reklam hesabınız ləğv edilib,” – Bier əlavə edib.
Platforma bildirib ki, qayda pozuntularına görə atılan bu addım cərimə ilə əlaqəli deyil, birbaşa AK-nın reklam sistemindən sui-istifadə etməsi ilə bağlıdır.
Kübra Musayeva
09:02 07.12.2025
Oxunuş sayı: 1258
