Rusiya-Ukrayna münaqişəsi: nüvə təhlükəsi və geosiyasi hesablar
Son illərdə dünya siyasətində gərginliklər artmaqda davam edir. Xüsusilə Rusiya-Ukrayna münaqişəsi beynəlxalq münasibətlərin ən vacib gündəmlərindən birinə çevrilib. Nüvə silahlarının istifadəsi ilə bağlı yaranan müzakirələr də bu kontekstdə diqqət çəkir. Bir tərəfdən ABŞ-nin münaqişəyə aktiv şəkildə müdaxilə etməsi və mövcud administrasiyanın (Bayden hökumətinin) bu prosesi nəzarət altına alma cəhdləri, digər tərəfdən isə Ukraynanın hərbi və iqtisadi baxımdan sıxışdırılması məsələləri fərqli mövqeləri ortaya qoyur. Bəs bu müharibədə nüvə silahından istifadə edilə bilərmi? Bayden administrasiyasının əsas məqsədi nədir?
Mövzu ilə bağlı konfliktoloq Elman Vəliyev Crossmedia.az-a açıqlamasında bildirib:
"Nüvə silahı atmaq o qədər asan məsələ deyil. Rusiya öz ayağının dibinə nüvə atacaq qədər düşüncəsiz dövlət deyil deyə düşünürəm. Bayden Tramp gələnə kimi konflikti daha da alovlandırmaq istəyir, amma fikrimcə alınmayacaq. Ukrayna artıq yolun sonundadır".
Mövcud vəziyyət göstərir ki, Ukrayna münaqişədə yolun sonuna yaxınlaşır. Rusiya nüvə silahı ilə bağlı riskləri diqqətlə qiymətləndirəcək qədər strateji bir dövlət olaraq qalır. ABŞ-nin isə Bayden administrasiyasının dönəmində münaqişəni öz siyasi məqsədlərinə uyğun manipulyasiya etməyə çalışdığı aydın olsa da, bu taktikanın uzunmüddətli təsiri şübhəlidir. Böyük ehtimalla, yaxın gələcəkdə ya dialoq vasitəsilə bir həll tapılacaq, ya da vəziyyət münaqişə tərəflərinin güc sərhədləri ilə təyin olunacaq. Tramp administrasiyasının mümkün qayıdışı isə daha balanslı və proqnozlaşdırıla bilən bir yanaşmanı gətirə bilər.
Ayhan Ağarzayev
06:23 22.11.2024
Oxunuş sayı: 11375
