Makron: Fransanın sabitliyini qorumaq üçün vəzifəmdə qalacam
Fransa Prezidenti Emmanuel Makron ölkə rəhbəri postunu tərk etmək niyyətində olmadığını bildirib.
Crossmedia.az xəbər verir ki, bu barədə xarici KİV məlumat yayıb.
Makronun sözlərinə görə, onun əsas məqsədi Fransanın sabitliyini təmin etmək və xalqına xidmət etməkdir:
“Heç vaxt unutmayın ki, Fransız xalqının mənə verdiyi mandat xidmət etmək, xidmət etmək və yenə də xidmət etməkdir. Mənim borcum adi fransızların suallarına cavab vermək və ölkəmizin müstəqilliyi üçün əlimdən gələni etməkdir”, – prezident vurğulayıb.
Makron əlavə edib ki, dövlət başçısı kimi ölkədə sabitliyin qorunması istiqamətində fəaliyyətini davam etdirəcək.
Qeyd edək ki, son günlər baş nazir Sebastyan Lekornyun istefasından sonra o, bu vəzifədə cəmi bir aya yaxın çalışıb. Fransa siyasi dairələrində prezidentin də istefa verməsi barədə müzakirələr artıb. Belə ki, bu fikri təkcə Makronun müxalifləri deyil, onun keçmiş komanda üzvləri, o cümlədən sabiq baş nazir Eduar Filipp də səsləndirib.
Fatimə Məmmədova
15:14 13.10.2025
Oxunuş sayı: 2338
