250 sənətçi “Carmina Burana” üçün Aspendosda bir araya gələcək
Antalyada keçirilən 33-cü Beynəlxalq Aspendos Opera və Balet Festivalı çərçivəsində alman bəstəkar Karl Orfun məşhur “Carmina Burana” səhnə kantatası sentyabrın 19-u və 21-də nümayiş olunacaq.
Crossmedia.az xəbər verir ki, Maksimilian Cem Haberstockun dirijorluğu ilə təqdim ediləcək əsərdə Antalya Dövlət Opera və Balet Orkestri, solistlər, xor, uşaq xoru, balet və müasir rəqs kollektivlərindən ibarət 250 nəfərlik heyət iştirak edəcək. Tamaşalar təxminən 2 min illik tarixə malik Aspendos Antik Teatrında keçiriləcək.
22 yaşlı Haberstock Münih Festival Orkestrinin təsisçisi və baş dirijorudur. O, Aspendosun tarixi atmosferinin “Carmina Burana”nın taley, sevgi, arzu, xoşbəxtlik və itki kimi zamansız mövzularına xüsusi məna qatdığını bildirib.
01:34 17.09.2026
Oxunuş sayı: 43
