Moskvanın zənginləri MƏRKƏZDƏN UZAQLAŞIR- bahalı mənzillərə tələbatın ünvanı dəyişdi
Moskvanın zəngin sakinləri premium və elit yeni tikililər üçün şəhər mərkəzindən kənardakı ərazilərə daha çox üstünlük verməyə başlayıblar.
Crossmedia.az xəbər verir ki, “Intermark Şəhər Daşınmaz Əmlakı” bu barədə məlumat yayıb.
Şirkətin məlumatına görə, 2026-cı ilin yanvar-iyul aylarında Moskvanın premium və elit yeni tikililərinin ilkin bazarında tələbin azalması müşahidə olunub. Lakin azalma şəhərin müxtəlif ərazilərində eyni səviyyədə olmayıb.
Əsas geriləmə paytaxtın mərkəzində qeydə alınıb. Bu ərazidə bahalı yeni tikililərlə bağlı sövdələşmələrin həcmi ötən ilin eyni dövrü ilə müqayisədə 30 faiz azalaraq 106,7 milyard rubl təşkil edib.
Mərkəzdən kənarda isə premium və elit yeni tikililər üzrə sövdələşmələrin həcmi 10 faiz azalaraq 82,7 milyard rubla düşüb.
Bununla yanaşı, Moskvanın Şimal inzibati dairəsində, Leninqrad istiqaməti boyunca yerləşən ərazilərdə əks tendensiya qeydə alınıb. Son yeddi ayda burada bahalı yeni tikililərin alış həcmi 63 faiz artaraq 24,7 milyard rubla çatıb.
“Intermark”ın məlumatına görə, hazırda Moskvanın şimal rayonlarının payına şəhər mərkəzindən kənarda premium və elit yeni tikililərə xərclənən vəsaitin təxminən üçdə biri düşür.
Şirkət Leninqrad istiqamətini bahalı mənzil seqmentində əsas artım nöqtələrindən biri kimi qiymətləndirib.
Qeyd edək ki, daha əvvəl 2025-ci ilin ilk doqquz ayında Moskva və Moskva vilayətində fərdi bağ evlərinə tələbin də azaldığı bildirilmişdi. Həmin dövrdə bu tip daşınmaz əmlak üzrə sövdələşmələrin sayı 2024-cü ilin eyni dövrü ilə müqayisədə 41 faiz azalmışdı.
09:20 17.09.2026
Oxunuş sayı: 55
