Xarici xəbərlər
ABŞ və Hindistan arasında Rusiya nefti ilə bağlı danışıqlar aparılır
- ABŞ Hindistanla ticarət danışıqları çərçivəsində Nyu-Dehlinin Rusiyadan neft alışı məsələsini gündəmə gətirməyi planlaşdırır.
- Crossmedia.az Bloomberg-a istinadən bildirir ki, ABŞ tərəfi Hindistanla idxal rüsumları üzrə aparılan danışıqlara Rusiyadan neft alışını da daxil etmək istəyir. Məlumata görə, Hindistandakı neft emalı zavodları artan tələbatı ödəmək üçün Rusiya neftinin idxalını genişləndirirlər.
- Agentliyin mənbələrinin sözlərinə görə, ABŞ nümayəndə heyəti – Cənubi və Mərkəzi Asiya üzrə ticarət nümayəndəsinin köməkçisi Brendan Linçin rəhbərliyi ilə Hindistan rəsmiləri ilə görüşdə bu mövzunu qaldırıb.
- Hindistan tərəfi isə danışıqlar zamanı Rusiyadan enerji daşıyıcılarının alınmasına tətbiq olunan əlavə 25 faizlik rüsumun ləğv edilməsində israr edib.
Mehriban
13:09 20.09.2025
Oxunuş sayı: 5182
