Rusiya Müdafiə Nazirliyi Estoniyanın hava məkanının pozulması ilə bağlı iddiaları təkzib etdi
Rusiya Müdafiə Nazirliyi Estoniyanın hava məkanının pozulması barədə yayılan məlumatları rədd edib. Qurumun açıqlamasında bildirilib ki, üç MiQ-31 qırıcı təyyarəsi Kareliyadan Kalininqrad vilayətinə planlı uçuş həyata keçirib. Uçuş beynəlxalq hava məkanından istifadə qaydalarına tam uyğun şəkildə baş tutub və digər dövlətlərin sərhədləri pozulmayıb.
Crossmedia.az bildirir ki, “Reuters” agentliyi isə İsveç Silahlı Qüvvələrinin Estoniya hava məkanını pozan MiQ-31 təyyarələrinin bir neçə fotosunu əldə etdiyini açıqlayıb.
Hadisəyə münasibət bildirən Donald Tramp isə vəziyyətin xoşagəlməz olduğunu və bunun “böyük problemə çevrilə biləcəyini” deyib.
11:24 20.09.2025
Oxunuş sayı: 4437
