İranda İsrail kəşfiyyatı ilə əməkdaşlıqda ittiham olunan şəxs edam edilib
İranda İsrailin “Mossad” kəşfiyyat xidməti ilə əməkdaşlıqda ittiham olunan Babək Şehbazi edam olunub.
Crossmedia.az xəbər verir ki, bu barədə IRNA agentliyi məlumat yayıb.
Bildirilib ki, sənaye soyuducu sistemlərinin layihələndirilməsi və quraşdırılması ilə məşğul olan Şehbazi telekommunikasiya, hərbi və təhlükəsizlik qurumları ilə bağlı şirkətlərdə fəaliyyət göstərərkən məxfi məlumatları əldə edib və onları İsrail kəşfiyyatına ötürüb.
İran məhkəməsi onun yüksək vəzifəli rəsmilər, eləcə də mühüm təhlükəsizlik obyektləri barədə məlumat topladığını müəyyənləşdirib. Babək Şehbazi “Mossad” agenti İsmayıl Fikri ilə əlaqə yaradaraq ABŞ-da daimi yaşayış icazəsi və 120 milyon dollar qarşılığında kəşfiyyat məlumatları ötürməyə razılaşıb. O, daha sonra İsrail kəşfiyyatı tərəfindən xüsusi hazırlıq keçib və məlumatları “Skype” vasitəsilə göndərib.
Məhkəmənin hökmü İran Ali Məhkəməsi tərəfindən təsdiqlənib və 17 sentyabr səhəri icra olunub.
Nihat Tahirov
11:04 17.09.2025
Oxunuş sayı: 4895
