Alla Puqaçova: Putinə olan inamım tamamilə bitdi
SSRİ xalq artisti Alla Puqaçova Rusiya Prezidenti Vladimir Putinlə bağlı sərt fikirlər səsləndirib.
Crossmedia.az xarici KİV-ə istinadən xəbər verir.
O, əvvəllər Putinə güvəndiyini, hətta ona səs verdiyini bildirib:
"Mən Putinə çox inanırdım. Hətta ona səs də vermişdim. Çünki çox doğru danışırdı, deyirdim ki, bizə belə biri lazımdır. Amma o müharibəyə başlamamalı idi, bu böyük səhv idi. Rusiya üçün böyük itkilərlə nəticələndi. Üstəlik, bizə qardaş olan xalqa qarşı müharibə aparıldı", – deyə sənətçi vurğulayıb.
Puqaçova Putinin davranışını tənqid edərək Kurskun işğalı zamanı onun bölgəyə getməməsinə də etiraz edib:
"Mənim üçün Putinə olan inam Kursk işğal olunanda onun oraya getməməsi, Kremldə qalması zamanı bitdi. Halbuki prezident kimi o, vətəndaşlarla görüşməli idi. Bundan sonra inamım tamamilə yox oldu. Qocalırsan, Volodya, bitir artıq bu savaşı, hər kəs bezib".
Məzmunun davamı Rusiya mediasında geniş müzakirə olunur.
14:58 16.09.2025
Oxunuş sayı: 5764
