Vladimir Solovyovun əmlakı ilə bağlı istintaq başlayıb
Rusiyanın İstintaq Komitəsi (SK) təbliğatçı Vladimir Solovyovun şəxsi aktivləri ilə maraqlanmağa başlayıb. Crossmedia.az bildirir ki, yoxlamalar onun maliyyə fəaliyyətində qanunsuzluqlar ehtimalı ilə aparılır:
“İlkin araşdırmada məlum olub ki, Solovyov Moskvada bir neçə daşınmaz əmlakı müxtəlif şirkətlərin adına rəsmiləşdirib. Bu obyektlərin dəyəri 340 milyon rubldan çoxdur. SK hazırda həmin şirkətlərin əlaqələrini və “Solovyov.Live” kanalının maliyyə axınlarını təhlil edir”.
Qeyd edək ki, əgər mənimsəmə faktı təsdiqlənsə, istintaq məhkəməyə müraciət edərək əmlaka həbs qoyulmasını tələb edəcək:
“Bu addım əmlakın satılmasının və ya üçüncü şəxslərə keçirilməsinin qarşısını almağa yönəlib. Araşdırmanın başlanmasından sonra Solovyov SK rəhbəri Aleksandr Bastrıkina zəng edərək vəziyyəti izah etməyə çalışıb. Danışıq gərgin keçib. Bastrıkin bildirib ki, istintaq tam qanun çərçivəsində aparılır və şəxsi müraciətlərə güzəşt olunmayacaq”.
Həmçinin məlumata görə, Solovyov söhbətin sonunda əsəbiləşərək telefonu qapatmaqla kifayətlənib.
Fidan Xəlilova
14:57 16.09.2025
Oxunuş sayı: 744
