Xarici xəbərlər

Tramp: İsrail Qətərlə bağlı çox ehtiyatlı olmalıdır

ABŞ Prezidenti Donald Tramp İsrailin Qətərlə bağlı addımlarında son dərəcə ehtiyatlı davranmalı olduğunu bəyan edib.

Crossmedia.az xəbər verir ki, o, jurnalistlərin suallarını cavablandırarkən bildirib ki, İsrail HƏMAS-la mübarizə aparmalıdır, lakin Qətər ABŞ-ın daim sadiq müttəfiqi olub.

“Onlar HƏMAS-la bağlı nəsə etməlidirlər, amma Qətər hər zaman ABŞ-ın sadiq müttəfiqi olub”, – deyə Tramp vurğulayıb.

Bundan əvvəl İsrail ordusu 9 sentyabrda Qətərin paytaxtı Dohaya “Od zirvəsi” adlı əməliyyat keçirib. Hədəf HƏMAS-ın yüksək rütbəli nümayəndələrinin zərərsizləşdirilməsi olub. Onlar Qəzza zolağında atəşkəs danışıqları aparmaq üçün Dohaya gəlmişdilər. Bildirilir ki, Təl-Əviv hücum barədə həm Vaşinqtonu, həm də Dohanı əvvəlcədən məlumatlandırıb.

Nicat Rüstəmzadə

🖨 Çap et

11:07 15.09.2025

Oxunuş sayı: 698