Xarici xəbərlər
Makrondan erməni dilində paylaşım:"Cənubi Qafqazda sabitliyin təmin olunması..."
Fransa Prezidenti Emmanuel Makron və Ermənistanın Baş naziri Nikol Paşinyan Parisdə görüş keçiriblər. Görüş zamanı əsas diqqət Ermənistan ilə Azərbaycan arasında münasibətlərə və regionda davamlı sülhün əldə olunmasına yönəlib.
Crossmedia.az xarici mediaya istinadən bildirir ki, Prezident Makron görüşün detallarını şəxsi “X” sosial media hesabında paylaşaraq, yenidən erməni dilində paylaşım edib. Fransa lideri bildirib ki, Ermənistanla Azərbaycan arasında sülh sazişinin imzalanması təkcə bu iki ölkə üçün deyil, bütün region ölkələri və onun hüdudlarından kənarda yerləşən xalqlar üçün də yeni bir səhifənin açılmasına səbəb ola bilər.
Makron Ermənistanla həmrəyliyini bir daha ifadə edib və Fransanın Cənubi Qafqazda sabitliyin təmin olunması istiqamətində səylərini davam etdirəcəyini vurğulayıb.
Görüş regionda baş verən geosiyasi dəyişikliklərin fonunda xüsusilə əhəmiyyətli hesab olunur.
Fidan Qarayeva
23:55 14.07.2025
Oxunuş sayı: 641
