Rəsmi Ankara ABŞ-nin Zəngəzur dəhlizi ilə bağlı planlarından xəbərsizdir
Türkiyə Prezidenti Rəcəb Tayyib Ərdoğanın administrasiyası ABŞ-nin Zəngəzur dəhlizinə nəzarət etməyi planlaşdırdığına dair yayılan məlumatlara münasibət bildirib. Rəsmi şəxslər belə məlumatlardan xəbərsiz olduqlarını bildiriblər.
Crossmedia.az xarici mediaya istinadən bildirir ki, Türkiyə administrasiyası Ermənistanın mövqeyini dəyişməsi ilə bağlı ilk açıqlamanı verən Ərdoğanın bu məsələ ilə bağlı yeni bir mövqe açıqlamadığını bildirib. “Bu barədə heç bir məlumatımız yoxdur, şərh verə bilmərik”, – deyə Türkiyə Prezident Administrasiyası RİA Novosti-yə açıqlamasında bildirib.
Qeyd edək ki, Zəngəzur dəhlizi son dövrlər regionda geosiyasi gərginliyin əsas mövzularından birinə çevrilib. Dəhliz vasitəsilə Naxçıvanla Azərbaycanın əsas hissəsi arasında nəqliyyat əlaqəsinin yaradılması nəzərdə tutulur. ABŞ-nin bu dəhlizlə bağlı hər hansı bir idarəetmə planı olması barədə yayılan məlumatlar isə hələlik rəsmi təsdiqini tapmayıb.
Fidan Qarayeva
23:40 14.07.2025
Oxunuş sayı: 745
