Fransanın Karnak və Morbihan meqalitləri UNESCO-nun Dünya İrs Siyahısına daxil edilib
UNESCO-nun Dünya İrs Komitəsinin 47-ci sessiyasında Fransanın Bretany bölgəsində yerləşən Karnak və Morbihan sahillərindəki meqalitlər Dünya Mədəni İrs Siyahısına salınıb.
Crossmedia.az xəbər verir ki, neolit dövrünə aid bu monumental daş abidələr unikal geomorfoloji landşaftla harmoniyada yerləşir və qədim cəmiyyətlərin ətraf mühitə dair dərindən anlayışını əks etdirir. Karnak düzülmələri və ətraf əraziləri əhatə edən 550-dən çox meqalit 1000 kvadratkilometrlik ərazidə yayılıb.
UNESCO bu abidələri neolit icmalarının texniki bacarıqlarını və ətraf mühitlə simvolik əlaqələrini nümayiş etdirən nadir irs nümunəsi kimi qiymətləndirir.
09:43 13.07.2025
Oxunuş sayı: 908
