Zakir Həsənov Slovakiyada döyüş texnikaları ilə tanış olub
Slovakiyanın Baş nazirinin müavini və müdafiə naziri cənab Robert Kalinakın dəvəti ilə Azərbaycan Respublikasının müdafiə naziri general-polkovnik Zakir Həsənovun bu ölkəyə rəsmi səfəri davam edir.
Crossmedia.az xəbər verir ki, bu barədə Müdafiə Nazirliyinin (MN) Mətbuat xidməti məlumat yayıb.
Bildirilib ki, Səfər çərçivəsində general-polkovnik Z.Həsənov rəhbərlik etdiyi nümayəndə heyəti ilə birgə Zahorie Hərbi-Texniki və Sınaq İnstitutunu (VTSU) ziyarət edib.
Müdafiə nazirinə institutun tarixi və əsas fəaliyyət istiqamətləri ilə bağlı ətraflı məlumat verilib.
İnstitutda yaradılan şərait və təhsil sistemi ilə tanışlıqdan sonra Azərbaycan nümayəndə heyəti təlim sahəsinə gələrək burada müxtəlif döyüş texnikaları ilə tanış olub və atışlarda iştirak edib.
12:39 05.11.2024
Oxunuş sayı: 16705
