İsrail rəsmisi: İranın hazırkı taktikası ABŞ-ı müharibədən uzaq saxlayır
İsrailin yüksək rütbəli rəsmisi bildirib ki, İran ABŞ-ın Yaxın Şərqdəki bazalarını hədəf alaraq genişmiqyaslı hərbi cavab verməkdən çəkinir. Bu addımın ABŞ-ı müharibəyə cəlb etmək riskini artıracağını qeyd edən rəsmi, Tehranın daha praktik yol seçdiyini vurğulayıb – zəif halqa kimi İsrailə təzyiq göstərmək.
Raket hücumlarının intensivliyinin azalmasına baxmayaraq, İran İsraili gündəlik hücumlara cavab verməyə məcbur edir. Rəsminin sözlərinə görə, İsrailin təhlükəsizlik marjası İranla müqayisədə daha zəifdir. Belə ki, İsraildə cəmi 2 neft emalı zavodu və 14 elektrik stansiyası mövcuddur, halbuki bu göstəricilər İranda müvafiq olaraq 30 və 270-dir.
Crossmedia.az xarici KİV-ə istinadən xəbər verir ki , bu dinamika uzunmüddətli döyüş şəraitində İsrailin strateji infrastrukturu üçün ciddi təhlükə yaradır. İran isə daha böyük təhlükəsizlik ehtiyatına malik olduğu üçün uzaqdan müharibə aparmaqda üstünlük əldə edir.
İsrail rəsmisi həmçinin qeyd edib ki, rejimi dəyişməyə yönəlmiş strategiyalar Təl-Əviv üçün Tehranla müqayisədə daha uğurlu ola bilər. İsrailin ABŞ-ı İrana qarşı hərbi əməliyyatlara sürükləməyə çalışdığı bildirilir, lakin zamanın İsrailin əleyhinə işlədiyi vurğulanır. Əgər yaxın müddətdə nəticə əldə olunmazsa, İsrailin uzunmüddətli münaqişəyə davam etməsi strateji baxımdan mənasız ola bilər.
22:41 22.06.2025
Oxunuş sayı: 677
