Xarici xəbərlər

İsrail höküməti orduya əmr verdi: "Hücumları artırın!"

İsrailin iyunun 13-də İrana aviazərbə ilə başlatdığı müharibə artıq 8-ci gününə daxil olub.

Crossmedia.az xəbər verir ki, bölgə gərginlikdən alov halqasına çevrilib və hər iki tərəfin qarşılıqlı hücumları davam edir.

Bu gün səhər saatlarında İran İsrailə qarşı növbəti raket hücumunu həyata keçirib. Qeyd edək ki, oxşar hücum dünən də gerçəkləşmiş, hədəf birja və xəstəxana binası olmuşdu.

Diplomatik müstəvidə də vəziyyət kəskinləşir. İranın BMT-dəki daimi nümayəndəsi Əmir Səid İrəvani beynəlxalq ictimaiyyətə müraciətində bildirib:

“İsrailin İrana hücumları zamanı yüzlərlə dinc sakin həlak olub, minlərlə insan yaralanıb. Tel-Əviv rejimi tibb müəssisələrinə hücum etməklə beynəlxalq hüququ açıq şəkildə pozur”.

Eyni zamanda İsrail mediası bildirir ki, Tel-Əviv rəhbərliyi İran əleyhinə hücumların miqyasının artırılması barədə orduya göstəriş verib.

🖨 Çap et

20:35 20.06.2025

Oxunuş sayı: 1036