Xarici xəbərlər

ABŞ kosmosda silah yerləşdirdiyini açıqladı

ABŞ Hərbi Hava Qüvvələri ölkənin kosmosda silah sistemləri yerləşdirdiyini açıqlayıb, lakin onların hansı silahlar olduğu barədə məlumat verilməyib.

Crossmedia.az xəbər verir ki, “The guardian” bu barədə məlumat yayıb.

ABŞ Hərbi Hava Qüvvələrinin katibi Troy Meink açıqlamasında kosmosda müəyyən silahların yerləşdirildiyini bildirib. Lakin o, bu sistemlərin növü, sayı, yerləşdiyi orbit və hansı məqsədlə istifadə olunacağı barədə hər hansı detal açıqlamayıb.

Məlumata görə, bu açıqlama ABŞ-nin Rusiya və Çinin kosmosdakı fəaliyyətləri ilə bağlı narahatlıqlarının artdığı bir dövrə təsadüf edir. Strateji və Beynəlxalq Araşdırmalar Mərkəzinin (CSIS) əməkdaşı Kleyton Svope bildirib ki, Vaşinqtonun belə bir addımı kosmosda potensial rəqibləri çəkindirmək məqsədi daşıya bilər.

Ekspert qeyd edib ki, ABŞ rəsmisinin açıqlaması silahların konkret olaraq nə olduğunu müəyyənləşdirmək üçün kifayət qədər məlumat vermir. Onun sözlərinə görə, Vaşinqton gələcəkdə kosmosdakı hərbi imkanları barədə daha ətraflı məlumat açıqlaya bilər.

Mövzular:

ABŞ ABŞ Hərbi Hava Qüvvələri silah sistemləri Kleyton Svope Troy Meink Vaşinqton

🖨 Çap et

18:13 19.09.2026

Oxunuş sayı: 41