Xarici xəbərlər

İsrail Müdafiə Ordusu Tehranın mərkəzinə hava zərbələri endirib

İsrail Müdafiə Ordusu (IDF) iyunun 20-nə keçən gecə Tehranın mərkəzində yerləşən bir sıra hərbi və sənaye obyektlərinə hava zərbələri endirib.

Crossmedia.az xəbər verir ki, rəsmi məlumatlara görə, hücum zamanı raket istehsal edən müəssisələr, raket mühərriklərinin tökmə materiallarını hazırlayan zavodlar, həmçinin nüvə silahları sahəsində tədqiqat və inkişaf fəaliyyəti ilə məşğul olan “Spand” şirkətinin qərargahı hədəfə alınıb.

Bildirilir ki, əməliyyatda 60-dan çox qırıcı təyyarə iştirak edib və ümumilikdə 120-dən artıq sursat istifadə olunub. Hücumlar İsrail hərbi kəşfiyyatının dəqiq koordinatları əsasında həyata keçirilib.

Bundan əlavə, İsrail Hərbi Hava Qüvvələri həmin gecə İran ərazisindən buraxılan dörd pilotsuz uçuş aparatını da havada məhv edib.

Mədinə Cəlilova

🖨 Çap et

12:15 20.06.2025

Oxunuş sayı: 780