Pakistan hava məkanını Hindistan təyyarələri üçün bağladı
Pakistan Hindistanda qeydiyyatdan keçmiş bütün təyyarələr, o cümlədən hərbi təyyarələr üçün hava məkanını bağladığını elan edib.
Crossmedia.az xəbər verir ki, bu barədə rəsmi NOTAM-da qeyd oluunb.
Belə ki, Pahalqamda baş verən terror hücumundan sonra Hindistan müxalifət lideri Rahul Qandi istənilən hərbi tədbirdə hökumətə tam dəstəyini ifadə edib.
Qeyd olunub k, Hindistanın "Hind suyu" müqaviləsini dayandırmasından sonra Pakistan cavab tədbiri olaraq "Şimla" və "Daşkənd" razılaşmalarını dayandırmağı nəzərdən keçirir.
Şimla razılaşmasının dayandırılması Pakistanın Hindistan tərəfindən tutulmuş ərazilərdə birtərəfli hərəkət etməsi üçün əsas yarada bilər.
Bildirək ki, Daşkənd sazişinin dayandırılması regionda sülh və təhlükəsizliyi ciddi risk altına qoyar.
Məlumatda vurğulanır ki, Pakistan ordusu tam döyüş hazırlığı vəziyyətinə gətirilib. Bu gün səhər saatlarında Pakistan qüvvələri ərazisinə daxil olan Hindistan əsgərini ələ keçirib və onu geri qaytarmaqdan imtina edib.
Pakistan qırıcıları Hindistanla sərhəd xəttində uçuşlar həyata keçirir. Eyni zamanda Hindistan ordusu Pakistan qüvvələrinin Nəzarət Xətti (LoC) boyunca bir neçə nöqtədə atəş açdığını təsdiqləyib və buna cavab verdiyini bildirib.
Fatimə Məmmədova
10:30 25.04.2025
Oxunuş sayı: 715
