Londondakı Azərbaycan məktəbində Novruz bayramı qeyd olunub
Londonda fəaliyyət göstərən Britaniya Avropa Azərbaycan Məktəbində (BEAS) Novruz bayramına həsr olunmuş bayram tədbiri keçirilib. Pimliko Akademiyasının binasında təşkil olunan tədbirdə Azərbaycanın Böyük Britaniyadakı səfiri Elin Süleymanov, Azərbaycan icmasının üzvləri, şagirdlər və onların valideynləri iştirak ediblər.
Tədbir çərçivəsində Azərbaycanın Əməkdar artisti, tarzən Rafiq Rüstəmov və pianoçu, Prezident təqaüdçüsü Vüsalə Babayeva çıxış ediblər. Bayram tədbirində milli musiqilər səsləndirilib, xalq rəqsləri ifa olunub, şagirdlər Novruzun qədim adət-ənənələrini nümayiş etdiriblər.
Qeyd edək ki, BEAS məktəbində Azərbaycan dili, tarixi, musiqi, şahmat və milli rəqs dərsləri tədris olunur. (Azərtac)
08:29 24.03.2025
Oxunuş sayı: 2235
