Qisas qiyamətə qalmaz: "Ermənistan Azərbaycana təzminat ödəməlidir"
Bir neçə gündən sonra Xocalı faciəsinin növbəti ildönümü tamam olacaq.
Belə ki, 1992-ci il fevralın 26-da Ermənistan silahlı qüvvələri Xocalıda yüzlərlə günahsız insanı qətlə yetirdi. Xocalıda sağ qalanlar əsir götürüldü və ağır işgəncələrə məruz qoymuşdurlar.
Xocalı faciəsi XX əsrin ən dəhşətli qətliamlarından biri kimi tarixə düşüb. Bu gün Azərbaycan həqiqətlərin dünyaya çatdırılması və beynəlxalq ədalətin bərqərar olması üçün mübarizəsini davam etdirir.
Bu barədə Crossmedia.az-a danışan Milli Məclisin deputatı Aqil Abbas qeyd edib ki, 44 günlük Vətən müharibəsi və antiterror əməliyyatı nəticəsində qazanılan qələbə Ermənistan üçün ağır nəticələrə səbəb olub. Bununla belə, beynəlxalq hüquq normalarına əsasən, Ermənistan Azərbaycana təzminat ödəməlidir. Lakin beynəlxalq təşkilatların bu məsələdə Bakının mövqeyindən çıxış edəcəyi ağlabatan görünmür.
A.Abbasın sözlərinə görə Qərb ölkələrinin ermənilərə verdiyi dəstək təzminat məsələsinin həllini çətinləşdirə bilər: "Amma hüquqi mexanizmlər işə salındığı təqdirdə Ermənistanın gec-tez təzminat ödəməsi qaçılmazdır".
Xumar Əhmədova
15:52 21.02.2025
Oxunuş sayı: 10942
