Prezident İlham Əliyevin Xankəndi səfəri: Tarixi Zəfərin davamı
Azərbaycanın suverenliyinin tam bərpa olunması və Qarabağın işğaldan azad edilməsindən sonra bu bölgədə aparılan quruculuq işləri ölkəmizin gücünü və iradəsini nümayiş etdirir. Azərbaycanın suverenliyinin bərpa olunması və Qarabağın işğaldan azad edilməsindən sonra bölgədə geniş quruculuq işləri aparılır. Prezident İlham Əliyevin Xankəndi səfəri də bu prosesin davamı kimi böyük əhəmiyyət daşıyır. Bu səfər zamanı mühüm infrastruktur layihələrinin icrası, yeni obyektlərin açılışı və yerli sakinlərlə görüşlər baş tutdu.
Milli Məclisin deputatı Tural Gəncəliyev Prezidentin Xankəndi səfəri ilə bağlı fikirlərini Crossmedia.az-la bölüşüb:
“Prezident İlham Əliyevin Xankəndi səfəri möhtəşəm görüntülərlə müşayiət olundu. Böyük infrastruktur layihələri, açılan otel, eyni zamanda Xankəndi sakinləri ilə səmimi görüşlər bu səfəri rəmzi və tarixi hadisə kimi yadda saxladı. Çünki cənab Prezidentin işğaldan azad edilmiş Qarabağa hər səfəri yeni bir layihədən xəbər verir. Biz bu tarixi hadisənin içində yaşayaraq bu günün önəmini tam dərk etməyə bilərik. Lakin əminəm ki, gələcək nəsillər bu hadisəyə tarixi perspektivdən xüsusi önəm verəcəklər. Vaxtilə Xankəndi strateji əhəmiyyətə malik idi və erməni separatizminin yuvası sayılırdı. Biz 44 günlük müharibədə tarixi torpaqlarımızı azad etdik. Ona görə də Xankəndi şəhərində həyata keçirilən hər bir layihə Ermənistan üçün gözdağı olmaqla yanaşı, Azərbaycan dövlətinin gücünün bariz nümunəsidir”.
Ayhan Ağarzayev
20:02 20.02.2025
Oxunuş sayı: 5042
