İran və Azərbaycan Qafqazda sabitlik yaratmaq gücünə malikdir
İran parlamentinin spikeri Məhəmməd Bagir Qalibaf Bakıya səfərindən sonra açıqlamalar verib. O, Azərbaycan Prezidenti İlham Əliyevlə Qafqazda sülh və təhlükəsizlik məsələlərini müzakirə etdiklərini bildirib.
Crossmedia.az xəbər verir ki, spikerin sözlərinə görə, tərəflər regiondan kənar ölkələrin Qafqaz və bölgə işlərinə müdaxilə etməyə haqqının olmadığını vurğulayıblar.
Bundan əlavə, İran və Azərbaycan arasında ticarət dövriyyəsinin 5 milyard dollara çatdırılması məqsədi ilə sərhəd bazarları, mal tarifləri, tacirlərin hərəkəti və nəqliyyat sektoru ilə bağlı məhsuldar müzakirələr aparılıb və yaxşı qarşılıqlı anlaşma əldə edilib.
17:47 20.02.2025
Oxunuş sayı: 4354
