İstanbulda Xocalı Soyqırımının 33-cü İldönümü yad edilib
İstanbulda Topqapı Universitetində Xocalı soyqırımının 33-cü ildönümünə həsr olunmuş tədbir keçirilib.
Crossmedia.az xəbər verir ki, bu barədə Azərbaycanın İstanbuldakı Baş Konsulluğunun mətbuat xidməti bildirib.
“Bu gün iştirakımızla Topqapı Universiteti Mavi Vətən Mərkəzində “33-cü ildönümündə Xocalı soyqırımı” anım proqramı və konfransı təşkil edildi”, – diplomatik missiyanın sosial şəbəkə hesabında qeyd olunub.
Məlumata görə, tədbirdə faciənin tarixi miqyası, hüquqi aspektləri və onun yaddaşlarda qalması üçün görülməli tədbirlər müzakirə olunub.
Xatırladaq ki, daha əvvəl Türkiyə Böyük Millət Məclisində (parlamentində) Xocalı soyqırımının 33-cü ildönümünə həsr olunacaq tədbir keçiriləcəyinə dair məlumat yayılmışdı.
Fevralın 15-də ABŞ-nin Mayami-Deyd dairəsində soyqırımının baş verdiyi gün Xocalının Anım Günü elan edilmişdi.
22:25 17.02.2025
Oxunuş sayı: 5153
