Qaradağlı faciəsindən 33 il ötür
Bu gün Xocavənd rayonunun Qaradağlı kəndində erməni silahlı birləşmələrinin dinc azərbaycanlılara qarşı törətdiyi qırğının 33-cü ildönümüdür.
Crossmedia.az xəbər verir ki, 17 fevral 1992-ci ildə kənd işğal olunaraq yandırılmış, sakinlər amansız qətliama məruz qalmışdır. 118 nəfər girov götürülmüş, 33 nəfər isə güllələnmişdir.
Qaradağlı faciəsi “ikinci Xocalı” kimi tanınır. Kəndin hər onuncu sakini qətlə yetirilmişdir.
Qeyd edək ki, 10 noyabr 2020-ci il tarixində imzalanmış üçtərəfli bəyanata əsasən, Qaradağlı kəndi Rusiya sülhməramlı qüvvələrinin məsuliyyət zonasında yerləşirdi. 19-20 sentyabr 2023-cü ildə Qarabağda keçirilmiş lokal antiterror tədbirlərindən sonra Azərbaycan kənd üzərində tam nəzarəti bərpa etmişdir.
08:11 17.02.2025
Oxunuş sayı: 8527
