Azərbaycan və Gürcüstan təhlükəsizlik sahəsində əməkdaşlığı müzakirə edib
Tbilisidə səfərdə olan Azərbaycan Respublikası Milli Məclisinin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Gürcüstan parlamentinin təhlükəsizlik komitəsinin sədri Aleksandre Tabatadze ilə görüşüb.
Görüşdə tərəflər regionda cərəyan edən prosesləri, təhlükəsizlik çağırışlarını və gələcək əməkdaşlıq istiqamətlərini müzakirə ediblər. Aleksandre Tabatadze azərbaycanlı həmkarını Gürcüstan parlamentinin Müdafiə və təhlükəsizlik komitəsinin əsas fəaliyyət istiqamətləri ilə tanış edib, təhlükəsizlik məsələləri üzrə qanunvericilik və icra hakimiyyəti orqanlarının əlaqələndirilmiş işindən danışıb.
Arzu Nağıyev öz növbəsində Milli Məclisin Müdafiə, təhlükəsizlik və korrupsiyaya qarşı mübarizə komitəsinin Azərbaycan modelinin xüsusiyyətləri ilə tanış edib və Milli Məclis çərçivəsində komitənin işlədiyi məsələlərdən danışıb.
Qeyd olunub ki, Azərbaycan ilə Gürcüstanın strateji tərəfdaşıdırlar. Dövlətlərimiz arasında bir sıra sahələrdə fəal və dinamik əməkdaşlıq mövcuddur. Regionda təhlükəsizlik mühiti nəzərdən keçirilib, qanunvericilik səviyyəsində ikitərəfli əməkdaşlığın əhəmiyyəti qeyd olunub.(azərtac)
05:24 13.02.2025
Oxunuş sayı: 2479
