Rusiya səfiri Avstriyanın ittihamlarına cavab verib
Rusiya səfiri Andrey Qrozov Avstriyanın Ukraynanın paytaxtı Kiyevdə yerləşən diplomatik nümayəndəliyinin zədələnməsi ilə bağlı Moskvaya qarşı irəli sürdüyü ittihamları qəbul etməyib.
Crossmedia.az xəbər verir ki, bu barədə "Gazeta.ru" məlumat yayıb.
Diplomat bu barədə Avstriya Xarici İşlər Nazirliyində keçirilən görüşdən sonra açıqlama verib.
Qrozov bildirib ki, görüş zamanı Rusiya tərəfinə ünvanlanan əsassız ittihamları qəti şəkildə rədd edib.
Qeyd edək ki, Rusiya səfiri Kiyevdəki Avstriya səfirliyinin binasına dəyən ziyanla əlaqədar Avstriya Xarici İşlər Nazirliyinə dəvət olunub. Rəsmi Vyana hadisəyə görə Moskvanı məsul tutub.
Bundan əvvəl Rusiyanın Niderlanddakı səfiri Vladimir Tarabrin də Niderland Xarici İşlər Nazirliyində keçirilən görüş zamanı Rusiya tərəfinin diplomatik nümayəndəliklərə ünvanladığı xəbərdarlıqların ciddi qəbul edilməsinin vacibliyini vurğulayıb.
Xatırladaq ki, Rusiya Xarici İşlər Nazirliyinin rəsmi nümayəndəsi Mariya Zaxarova sentyabr ayında xarici diplomatlara və ölkə vətəndaşlarına Kiyevi tərk etmələri ilə bağlı verilən tövsiyənin qüvvədə qaldığını bildirmişdi.
18:41 20.11.2026
Oxunuş sayı: 110