Tbilisidəki partlayışda xəsarət alanlar arasında azərbaycanlı yoxdur
Tbilisinin Poniçala qəsəbəsində yaşayış binasında baş verən partlayış nəticəsində dağıntılar altında qalan sonuncu şəxsin də meyiti çıxarılıb.
Crossmedia.az-ın əldə etdiyi məlumata görə, hadisə nəticəsində ölən və xəsarət alanlar arasında azərbaycanlılar yoxdur.
Qeyd edək ki, hadisə 19 noyabrda baş verib. Nəticədə altı nəfər ölüb. Həlak olanlardan üçü qadın, biri kişi, ikisi isə uşaqdır. Dağıntılar altında qalan yeddi nəfərdən yalnız üç yaşlı uşaq sağ xilas edilib. Xəsarət alan dörd nəfər isə xəstəxanaya yerləşdirilib. Onlardan birinin vəziyyəti ağırdır.
Axtarış-xilasetmə əməliyyatı başa çatıb.
Məhəbbət Tərlanoğlu
11:22 20.11.2026
Oxunuş sayı: 107