Sabunçuda avtomobildən 6000 manat oğurlayan şəxs saxlanılıb
Bakının Sabunçu rayonunda avtomobildən 6000 manat nağd pul və bank kartlarını oğurlamaqda şübhəli bilinən şəxs saxlanılıb.
Crossmedia.az xəbər verir ki, Daxili İşlər Nazirliyi bu barədə məlumat yayıb.
Hadisə rayonun Ramana qəsəbəsində qeydə alınıb. Zərərçəkən şəxs avtomobilindən 6000 manat və bank kartlarının oğurlanması barədə polisə müraciət edib.
Polis əməkdaşlarının keçirdikləri tədbirlər nəticəsində oğurluqda şübhəli bilinən E.Ağamirzəyev müəyyən edilərək saxlanılıb.
Araşdırmalar zamanı məlum olub ki, şübhəli şəxs avtomobilin qapısının açıq olmasından istifadə edərək oğurluq əməlini törədib.
Faktla bağlı cinayət işi başlanılıb, araşdırmalar davam etdirilir.
16:10 14.11.2026
Oxunuş sayı: 170