Peskov: Trampın sülh səylərinin davamına ümid edirik
Rusiya ABŞ Prezidenti Donald Trampın Konqresə keçirilən aralıq seçkilərdən sonra da Ukrayna münaqişəsinin həlli istiqamətində sülh təşəbbüslərini davam etdirəcəyinə ümid edir.
Crossmedia.az xəbər verir ki, TASS agentliyi bu barədə Rusiya Prezidentinin mətbuat katibi Dmitri Peskovun açıqlamasına istinadən məlumat yayıb.
Peskov noyabrın 4-də “Life” nəşrinin jurnalisti Aleksandr Yunaşevə açıqlamasında bildirib ki, Ukrayna münaqişəsinin nizamlanması istiqamətində müəyyən işlər görülüb və yaxın vaxtlarda növbəti üçtərəfli danışıqların keçirilməsi gözlənilir.
“Prezident Tramp səlahiyyətlərini icra etməyə davam edir. Biz onun sülhməramlı səylərini də davam etdirəcəyinə səmimi şəkildə ümid edirik. Müəyyən işlər görülüb. Tezliklə üçtərəfli danışıqların növbəti mərhələsi keçiriləcək. ABŞ-nin birinci xanımı Melaniya Trampın uğurlu sülhməramlı və humanitar təşəbbüsləri də var. Ümid edirik ki, bütün bunlar davam etdiriləcək”, – deyə Kreml sözçüsü bildirib.
ABŞ Konqresinin Trampın bu istiqamətdəki fəaliyyətinə mane olub-olmayacağı barədə suala cavab verən Peskov bunun ABŞ-nin daxili məsələsi olduğunu vurğulayıb.
17:34 04.11.2026
Oxunuş sayı: 63
