Honor qısa müddət əvvəl tanıtdığı "Android 15" bazalı "MagicOS 9.0" yeniləməsini istifadəçilərə təqdim etməyə başladı. Əvvəlcə "Magic 6" seriyası üçün təqdim olunan beta versiyası, indi daha geniş istifadəçi kütləsinə açıq şəkildə yayımlanır. "Honor", istifadəçilərdən rəy toplamaq məqsədilə bu ikinci beta versiyasını maraqlananlar üçün əlçatan edib.
"MagicOS 9.0" bir çox səhv düzəlişi və yeniliklə gəlir!
Honorun açıqlamasına görə, "MagicOS 9.0" yeniləməsinin yayımı 13 noyabrda başlayıb. Yeniləməni sınamaq istəyən istifadəçilər, "My Honor" tətbiqi vasitəsilə beta proqramına qoşula bilərlər. Beta versiyası, cihazlara OTA (simsiz) olaraq yüklənə bilir.
Lakin, beta versiyanın yalnız test məqsədli olduğunu nəzərə almaq faydalıdır; bu səbəbdən yeniləməni yükləməzdən əvvəl bütün mühüm məlumatların ehtiyat nüsxəsini çıxarmağınız tövsiyə olunur. Çünki beta versiyadan çıxmaq və stabil versiyaya qayıtmaq istədiyinizdə bütün istifadəçi məlumatları silinəcək.
"MagicOS 9.0" beta yeniləməsini alacaq telefonlar:
- "Honor Magic V3"
- "Honor Magic Vs3"
- "Honor Magic V2"
- "Honor Magic V2 Ultimate"
- "Honor Magic V2 RSR Porsche Design"
- "Honor Magic 5"
- "Honor Magic 5 Pro"
- "Honor Magic 5 Ultimate"
- "Honor Magic 6"
- "Honor Magic 6 Pro"
- "Honor Magic 6 Ultimate"
- "Honor Magic 6 RSR Porsche Design"
Adətən "MagicOS" beta proqramlarına "Honor Club" veb saytı vasitəsilə qeydiyyatdan keçmək mümkün olsa da, bu beta versiya üçün yalnız "My Honor" tətbiqi üzərindən qeydiyyat alınır. Tətbiqdə ‘Club > MagicOS 9.0 > Test üçün yeniləmə > Ümumi beta müraciəti’ adımlarını izləyərək müraciətinizi tamamlayabilirsiniz.
Yeniləməni yükləmək üçün telefonunuzun "MagicOS"-un əsas versiyasında olması və cihazınızda ən az 10 GB boş yer olması tələb olunur. Əks halda, cihazınızda yetersiz yaddaş sahəsi səbəbilə təkrar başlanğıc problemi yarana bilər.
Emil Bağızadə
