Qırğızıstanda dövlət himni dəyişdiriləcək.
Crossmedia.az xarici KİV-ə istinadla xəbər verir ki, bu barədə Respublika parlamentinin spikeri Nurlan Şakiyev bildirib.
Onun sözlərinə görə, hazırki himn ölkənin SSRİ-dən çıxmasından dərhal sonra yazılıb:
"Biz artıq azadlıq yolunu keçmişik. İndi Qırğızıstan böyük gələcəyi olan, inkişaf edən bir ölkədir. Himni elə yenidən yazacağıq ki, 5 yaşdan 95 yaşa qədər hamı asanlıqla oxuya bilsin", - deyə siyasətçi bildirib.
Bu, Şakiyevin Qırğızıstanın "azad olunması" ilə bağlı ilk təşəbbüsü deyil.
Oktyabrın əvvəlində o, soyadlarda ruslaşdırılmış -ov və -ev sonluqlarından imtina etməyə çağırıb. 2022-ci ildə isə Bişkekin rus adları daşıyan bütün rayonlarının adının dəyişdirilməsində israr edib.
Görünən odur ki, parlamentin spikeri üçün ən vacib məsələ sosial-iqtisadi məsələlər deyil, sovet ənənəsi ilə mübarizədir.
Emil Bağızadə
