Bu ilin yanvar-oktyabr aylarında Azərbaycanda əhaliyə göstərilən ödənişli xidmətlərin dəyəri ötən ilin eyni dövrü ilə müqayisədə real ifadədə 8,3 % artaraq 10 milyard 192,4 milyon manat olub.
Crossmedia.az xəbər verir ki, bu barədə Dövlət Statistika Komitəsi məlumat yayıb.
Məlumata görə, 10 ay ərzində təkcə hüquqi şəxslər əhaliyə 7 milyard 687 milyon manatlıq xidmət göstərib ki, bu da xidmətlərin ümumi dəyərinin 75,4 %-ini təşkil edib.
Hesabat dövründə hər bir ölkə sakini orta hesabla 999,2 manatlıq və yaxud 1 il əvvələ nisbətən nominal ifadədə 104 manat çox müxtəlif ödənişli xidmətlərdən istifadə edib.
