Bu gün Misli Premyer Liqasında XIV tura yekun vurulacaq.
Crossmedia.az xəbər verir ki, günün ilk matçında "Turan Tovuz" "Sabah"ı qəbul edəcək.
Tovuz şəhər stadionunda baş tutacaq görüşün start fiti saat 17:00-da səslənəcək.
Digər qarşılaşmada isə "Sumqayıt" "Şamaxı" ilə münasibətlərinə aydınlıq gətirəcək. Mehdi Hüseynzadə adına Sumqayıt şəhər stadionunda reallaşacaq matç saat 19:00-da başlayacaq.
Misli Premyer Liqası
II dövrə, XIV tur
24 noyabr
17:00. “Turan Tovuz” –“ Sabah”
Hakimlər: Rəşad Əhmədov, Kamran Bayramov, Rahil Ramazanov, Tural Qurbanov.
VAR: Cavid Cəlilov.
AVAR: Müslüm Əliyev.
Hakim-inspektor: Rəhim Həsənov.
AFFA nümayəndəsi: Rüfət Əmirov.
Tovuz şəhər stadionu
19:00. “Sumqayıt”– “Şamaxı”
Hakimlər: Rauf Cabarov, Eyyub İbrahimov, Şirmamed Mamedov, Rəvan Həmzəzadə.
VAR: Rauf Allahverdiyev.
AVAR: Akif Əmirəli.
Hakim-inspektor: Munis Abdullayev.
AFFA nümayəndəsi: Nəriman Axundov.
Mehdi Hüseynzadə adına Sumqayıt şəhər stadionu
Qeyd edək ki, turun əvvəlki oyunlarında "Araz-Naxçıvan" "Kəpəz"i 2:0, "Qarabağ" "Səbail"i 3:0, "Neftçi" isə "Zirə"ni 2:1 hesabı ilə məğlub edib.
