Ermənistan, Gürcüstan və Belarus rusiyalı turistləri təəccübləndirib
Rusiyalı turistlərin gözləntilərini ən çox doğruldan ölkələr arasında Ermənistan, Gürcüstan və Belarus ilk sırada yer alıb. Araşdırmaya görə, respondentlərin 33 faizi bu ölkələrə səfərlərin gözləntilərindən daha yaxşı olduğunu bildirib. Avropa İttifaqı ölkələri isə turistləri ən çox məyus edən istiqamətlər olub.
Crossmedia.az xəbər verir ki, bu barədə TASS “Kupibilet” xidmətinin araşdırmasına istinadən məlumat yayıb. Sorğuda iştirak edənlərin 33 faizi Ermənistan, Gürcüstan və Belarus səfərlərinin gözləntilərini üstələdiyini qeyd edib.
Rusiyanın daxilində səyahətlər 24 faizlə ikinci, Çin, Yaponiya, Tailand və Cənubi Koreyanın daxil olduğu Asiya istiqamətləri isə 18 faizlə üçüncü yerdə qərarlaşıb.
Turistlərin gözləntilərini doğrultmayan istiqamətlər siyahısına isə Avropa İttifaqı ölkələri başçılıq edib. Respondentlərin 61 faizi bu ölkələrə səfərlərin gözləntilərini qarşılamadığını bildirib.
18:31 16.08.2026
Oxunuş sayı: 52
