“Drakula böcəyi” Qara dənizdə fındıq bağlarını təhdid edir
Uzaq Şərq mənşəli “Drakula böcəyi” Qara dəniz bölgəsində fındıq bağları üçün getdikcə daha böyük təhlükəyə çevrilir. Ağacların kök və gövdəsinə daxil olaraq oduncaq toxumasını daxildən məhv edən zərərvericiyə qarşı Trabzonda minlərlə hektar ərazidə məhvetmə və dərmanlama işləri aparılıb. İstehsalçıları ən çox narahat edən məsələ isə böcəyin ting və bitkilərin daşınması yolu ilə yeni ərazilərə yayılmasıdır.
Crossmedia.az xəbər verir ki, fındıq istehsalçıları son illərdə qəhvəyi kokarca ilə mübarizə apararkən, indi daha bir invaziv növlə üz-üzə qalıblar. Xalq arasında görünüşünə və ağaclara vurduğu ciddi zərərə görə “Drakula böcəyi” adlandırılan Sitrus uzunbığlı böcəyi (Anoplophora chinensis) xüsusilə Trabzondakı fındıq sahələrində illərdir aparılan mübarizəyə baxmayaraq, mövcudluğunu davam etdirir.
Şərqi Asiya mənşəli zərərverici Çin, Yaponiya və Koreya başda olmaqla geniş ərazilərdə ağacların ən təhlükəli zərərvericilərindən biri hesab olunur. Bu növ Türkiyədə ilk dəfə 2014-cü ildə İstanbulun Şile rayonunda yerləşən tinglikdə aşkarlanıb. Sonrakı illərdə aparılan araşdırmalar zamanı zərərvericinin müxtəlif bölgələrə yayıldığı müəyyən edilib.
EPPO məlumatlarına görə, böcək Qara dəniz bölgəsində ilk dəfə 2014-cü ildə Bartında, 2016-cı ildə isə Trabzonun Maçka rayonundakı başqa bir tinglikdə qeydə alınıb.
05:20 17.08.2026
Oxunuş sayı: 44
