KİV: Rusiya NATO-nu parçalamaq üçün təxribat hazırlayır
Rusiya Polşa və Baltikyanı ölkələrin kritik infrastrukturuna zərbələr endirilməsi ilə bağlı təxribat hazırlaya bilər.
Crossmedia.az “Reuters”ə istinadən xəbər verir.
Məlumata görə, Moskvanın mümkün ssenarilərindən biri Ukrayna PUA-larından istifadə etməklə bəndlərə, elektrik stansiyalarına, qaz və digər mühüm infrastruktura hücumların təşkil edilməsidir. Məqsəd bu hücumları Kiyevin əməliyyatı kimi təqdim etmək və NATO-nun reaksiyasını yoxlamaq ola bilər.
Bu iddialar fonunda Polşa, Litva, Latviya və Estoniya kritik infrastruktur obyektlərinin mühafizəsini gücləndirir. Litvada hərbçilər artıq mayeləşdirilmiş təbii qaz terminalını və enerji obyektlərini qoruyur. Latviyada isə Dauqava çayı üzərindəki bənd və yeraltı qaz anbarının mühafizəsi gücləndirilib.
“Reuters”in bildirdiyinə görə, belə bir təxribatın əsas məqsədi infrastruktur obyektlərinə zərər vurmaqdan çox, NATO daxilində siyasi xaos yaratmaq və ABŞ ilə Avropa arasında mümkün cavab tədbirləri ilə bağlı fikir ayrılıqlarını dərinləşdirmək ola bilər.
20:58 10.08.2026
Oxunuş sayı: 39
