Kuleba: Rusiya Donbasla bağlı yerinə yetirilməsi mümkün olmayan tələb irəli sürüb
Ukraynanın sabiq xarici işlər naziri Dmitri Kuleba Rusiya tərəfinin Donetsk vilayəti ilə bağlı tələbinin yerinə yetirilməsinin mümkün olmadığını bildirib.
Crossmedia.az xəbər verir ki, Kuleba bu barədə açıqlama verib.
Onun sözlərinə görə, fevralın sonunda danışıqların nəticə verməyəcəyinin artıq aydın olduğunu düşünüb.
Kuleba bildirib ki, tərəflər müzakirə edilə biləcək məsələləri artıq müzakirə etmişdilər. Onun sözlərinə görə, əsas fikir ayrılığı münaqişənin hansı nöqtədə dayandırılması məsələsi olub.
“Rusiya əsas məsələ ilə bağlı yerinə yetirilməsi mümkün olmayan tələb irəli sürdü: Ukrayna Donetsk vilayətinin qalan hissəsindən qoşunlarını çıxarmalı idi”, – Kuleba deyib.
17:29 10.08.2026
Oxunuş sayı: 39
