“Bu, hibrid müharibə deyilmi?” – Vuçiçdən Avropaya mesaj
Serbiya Prezidenti Aleksandar Vuçiç Avropanın Ukraynaya hərbi və maliyyə dəstəyi göstərməsi, eləcə də Rusiyaya qarşı sanksiyalar tətbiq etməsini Moskva ilə hibrid müharibənin tərkib hissəsi hesab etdiyini bildirib.
Crossmedia.az xəbər verir ki, Vuçiç bu barədə “Axel Springer” media konserninin idarə heyətinin sədri Matias Döpfnerin podkastında danışıb.
Serbiya liderinin sözlərinə görə, Avropa ölkələri Ukraynanı silahlandırıb, Kiyevə maliyyə yardımı göstərib və Rusiyaya qarşı genişmiqyaslı sanksiyalar tətbiq edib.
“Bütün bunlar Rusiyaya qarşı hibrid müharibə deyilmi?” – deyə Vuçiç bildirib.
Serbiya Prezidenti Rusiyanın məğlub edilə biləcəyinə də şübhə ilə yanaşıb. O, Rusiyanın nüvə dövləti olduğunu və heç kimin ona “sadəcə belə” hücum edə bilməyəcəyini vurğulayıb.
Vuçiç hesab edir ki, Ukraynadakı münaqişənin başa çatdırılması üçün tərəflərdən birinin məğlubiyyətinə deyil, kompromisə əsaslanan həll yoluna ehtiyac var.
19:59 09.08.2026
Oxunuş sayı: 41
