Moskva çökəcək: Ukraynalı komandir müharibənin başa çatması üçün 5 şərt açıqladı
Ukrayna Silahlı Qüvvələrinin PUA Sistemləri Qüvvələrinin komandanı “Madyar”ıəqəbli Robert Brovdi Rusiya-Ukrayna müharibəsinin başa çatması üçün beş əsas şərtin yerinə yetirilməli olduğunu bildirib.
Crossmedia.az xəbər verir ki, Brovdi bu barədə 51-ci doğum günü münasibətilə özünün “Telegram” kanalında paylaşım edib.
Ukraynalı komandirin sözlərinə görə, Rusiya ordusu hücumlarını fəal şəkildə davam etdirir və döyüşləri dayandırmaq niyyətində olduğunu göstərmir.
Brovdi hesab edir ki, müharibənin başa çatması üçün ilk növbədə Rusiyanın öz daxilində ciddi dəyişikliklər baş verməlidir.
“Müharibə yalnız o zaman başa çatacaq ki, təcavüzkarın müharibəni maliyyələşdirmək (1), silah istehsal etmək (2), öz arxa cəbhəsini qorumaq (3), canlı qüvvəni döyüşə göndərmək (4) və öz bataqlığında sabitlik və nəzarət illüziyasını qorumaq (5) imkanları fiziki olaraq aradan qalxsın”, – deyə o bildirib.
Komandir Ukraynanın əsas gücünün xalqın intellekti, texnoloji üstünlük və tarixi ədalətə nail olmaq əzmi olduğunu vurğulayıb.
“Ukraynanın silahı xalqın intellekti, texnoloji üstünlük və tarixi ədalətə can atmaqdır”, – deyə Brovdi qeyd edib.
O, Rusiyanın hərbi imkanlarının zəifləməsinin və ölkə daxilində sabitlik görüntüsünün itirilməsinin müharibənin taleyinə birbaşa təsir göstərə biləcəyini düşünür.
16:13 09.08.2026
Oxunuş sayı: 63
