Rusiya Ukraynanın enerji infrastrukturuna zərbələri gücləndirməyə hazırlaşır
Rusiya Ukraynanın Müstəqillik Günü ərəfəsində Kiyevin enerji infrastrukturuna genişmiqyaslı zərbələr endirməyə hazırlaşır.
Crossmedia.az xəbər verir ki, bu barədə Müharibənin Öyrənilməsi İnstitutunun (ISW) hesabatında bildirilib.
Analitiklərin qənaətinə görə, Moskva mümkün qədər böyük zərər vurmaq üçün strateji ehtiyatında saxladığı ballistik raketlərdən istifadə edə bilər.
Hesabatda qeyd olunur ki, ötən il Rusiya Ukraynanın enerji infrastrukturuna qarşı zərbələr kampaniyasına 2025-ci ilin sentyabr ayının əvvəlində başlayıb. Lakin bu il hücumların avqust ayında həyata keçirilməsi mümkündür.
Analitiklər hesab edirlər ki, Moskva bununla Ukraynada ballistik raketlərin qarşısının alınması üçün vasitələrin çatışmazlığından istifadə etməyə çalışa bilər.
ISW-nin qiymətləndirməsinə görə, Rusiyanın Kiyevin enerji infrastrukturuna ballistik raketlərlə zərbələri ciddi dağıntılara səbəb ola bilər.
Bildirilir ki, belə hücumlar Ukraynanın ötən qış Rusiyanın zərbələri nəticəsində zədələnmiş enerji obyektlərini bərpa etmək və gücləndirmək səylərinə ciddi zərbə vura bilər.
Qeyd edək ki, Ukraynanın Müstəqillik Günü hər il avqustun 24-də qeyd olunur.
16:10 09.08.2026
Oxunuş sayı: 63
