Husilər Saudi Aramco-nun neft emalı zavoduna zərbə endirdiklərini açıqlayıblar
Yəməndəki “Ənsar Allah” hərəkatının husiləri Səudiyyə Ərəbistanının Cizan şəhərində “Saudi Aramco” şirkətinə məxsus neft emalı zavoduna “PUA” ilə zərbə endirdiklərini açıqlayıblar.
Crossmedia.az xəbər verir ki, “Ənsar Allah” hərəkatının hərbi nümayəndəsi bu barədə məlumat yayıb.
Hərəkatın hərbi nümayəndəsinin yaydığı açıqlamada bildirilib ki, Yəmən silahlı qüvvələri Cizandakı “Aramco” neft emalı zavodunu pilotsuz uçuş aparatı ilə hədəfə alıb.
Husilər zərbənin dəqiq olduğunu və hədəfin vurulduğunu iddia ediblər.
Səudiyyə Ərəbistan isə Cizandakı “Aramco” obyektində yanğın baş verdiyini və yanğının söndürüldüyünü açıqlayıb. İlkin məlumatlara görə, hadisə nəticəsində ölən və ya yaralanan olmayıb.
13:43 09.08.2026
Oxunuş sayı: 50
