Patriot böhranı dərinləşir: Daha bir ölkə Kiyevə raket verməyib
Finlandiya Ukraynaya hava hücumundan müdafiə sistemləri üçün Patriot raketləri göndərməyəcəyini açıqlayıb.
Crossmedia.az “Ilta-Sanomat” nəşrinə istinadən xəbər verir ki, bunu Finlandiyanın müdafiə naziri Antti Hakkanen bildirib.
Nazirin sözlərinə görə, Helsinki artıq Ukraynaya mümkün qədər böyük həcmdə yardım göstərib, lakin öz müdafiə qabiliyyətini riskə ata bilməz.
“Biz Ukraynaya kömək üçün əlimizdən gələni etdik və hətta planlaşdırdığımızdan daha çoxunu verdik. Lakin cəbhəyanı ölkə kimi hava hücumundan müdafiə sahəsində gələcək döyüş hazırlığımızı təhlükə altına qoya bilmərik”, – deyə Häkkänen bildirib.
Finlandiya rəsmisi qeyd edib ki, ölkənin öz təhlükəsizliyi üçün hərbi ehtiyatlarını qoruması vacibdir.
12:30 09.08.2026
Oxunuş sayı: 63
