Rusiya Xarkova hücum edib - Ölənlər və yaralananlar var
Ukraynanın Xarkov şəhərinə raket zərbəsi endirildiyi bildirilir.
Crossmedia.az xarici mediaya istinadən xəbər verir ki, yerli hakimiyyət orqanlarının məlumatına görə, zərbə nəticəsində çoxmərtəbəli yaşayış binalarına ziyan dəyib.
Xarkov meri İqor Terexov və Xarkov vilayət hərbi administrasiyasının rəhbəri Oleq Sinequbov bildiriblər ki, hadisə nəticəsində azı iki nəfər ölüb, bir neçə nəfər xəsarət alıb.
Məlumata görə, bəzi insanların dağıntılar altında qala biləcəyi ehtimal edilir. Hazırda xilasedicilər axtarış-xilasetmə əməliyyatlarını davam etdirir.
Ukrayna zərbənin Rusiya ordusu tərəfindən həyata keçirildiyini açıqlayıb. Rusiya hadisə ilə bağlı hələlik rəsmi açıqlama verməyib.
11:45 09.08.2026
Oxunuş sayı: 49
