Moskva ilə Avropa arasında buzlar əriyir - 4 ildən sonra ilk təmas
Rusiya və Sloveniya parlament rəhbərləri arasında dörd ildən sonra ilk dəfə mesaj mübadiləsi baş tutub.
Crossmedia.az ˝TASS˝-a istinadən xəbər verir ki, bunu Rusiya Xarici İşlər Nazirliyinin İkinci Avropa departamentinin direktoru Yuri Pilipson açıqlayıb.
Onun sözlərinə görə, Sloveniya Dövlət Assambleyasının yeni sədri Zoran Stevanoviçin Moskvaya səfər etməyi planlaşdırdığı barədə daha əvvəl məlumat yayılıb.
Pilipson Rusiya ilə dialoqun bərpasını dəstəkləyən avropalı siyasətçilərin mövqeyini sağlam düşüncənin göstəricisi kimi qiymətləndirib.
Qeyd edək ki, Rusiya ilə bir sıra Avropa ölkələri arasında siyasi əlaqələr Ukraynadakı müharibə fonunda ciddi şəkildə zəifləyib.
11:35 09.08.2026
Oxunuş sayı: 45
